İsrail müxalifəti Netanyahunu 7 Oktyabr xəbərdarlıqlarını rədd etməkdə ittiham edir

Anadolu Ajansı yazır ki, İsraildə müxalifət lideri Golan sosial media vasitəsilə İsrail Baş naziri Binyamin Netanyahunun 7 Oktyabr hücumları ilə bağlı ona gələn bütün xəbərdarlıqları diqqətsiz şəkildə rədd etdiyini açıqlayıb.

Golan Netanyahunun "Dünyadakı bütün xəbərdarlıqlar ona çatıb, amma o, bunları nəzərə almamış və qulaqlarını bağlamışdır" deyib.

New York Times və Haaretz qəzetlərinin yazdığına görə, 7 Oktyabrla bağlı bütün kəşfiyyat məlumatları Netanyahunun masasında olub. Golan həmçinin bəzi rəsmilərin məsuliyyətlərini qəbul etdiyini, amma Netanyahunun heç bir ittihamı tanımadığını, məsuliyyətin tamamilə orduya yükləndiyini bildirib.

O, "Ölkənin təhlükəsizliyini riskə atan şəxs kameralar qarşısında rahatlıqla yuxuya getdiyini iddia edir" sözlərini yazıb. Golan əlavə edib ki, gələcək hökumət ilk addım olaraq Netanyahudan başlayaraq bütün sistem uğursuzluqlarını araşdırmaq üçün rəsmi komissiya yaradacaq.

New York Times 7 Oktyabr 2023 hadisələrindən əvvəl Birləşmiş Ərəb Əmirliklərinin Netanyahunu xəbərdar etdiyini, amma onun bunları nəzərə almadığını yazıb. Haaretz də oxşar xəbərləri yayımlamışdı.