İsrail hərbi təyyarələri Livanın cənubundakı dağlıq əraziləri bombaladı

İsrail Hərbi Hava Qüvvələri şənbə günü Livanın Litani çayının şimalında, Jezzinə və Nabatiyə yaxın dağlıq ərazilərə zərbə vurub.

Janoubia xəbər portalının məlumatına görə, hücumlar zamanı Həzbullahın yeraltı sığınacaqları, qərargahları və anbarları hədəfə alınıb. Zərbələr Jebel əl-Rafi, Rayhan və Sajud yüksəkliklərində yerləşən obyektlərə yönəlib.

Portal bildirir ki, müqavimət qüvvələrinin ən böyük mövqeyi dağlıq İqlim əl-Tuffah bölgəsindədir. Sentyabrın 10-da Ali əl-Tahir yüksəkliklərində Həzbullahın yeraltı infrastrukturu məhv edildikdən sonra İsrail komandanlığı zərbələrini bu sektora yönəltmək istəyir və burada genişmiqyaslı bombardmandan sonra yerüstü əməliyyatlar planlaşdırılır.

Hazırda Livanın cənubunda yerləşən tampon zona üçün israilli qüvvələrin rotasiyası aparılır, bu da yeni eskalasiya ərəfəsində baş verir.

Janoubia-nın məlumatına görə, şənbə günortadan sonra Majdal Zun və Mays əl-Cabal şəhərləri İsrail artilleriyasının atəşi ilə sarsılıb. Artilleriya mərmiləri Zovtar əl-Şərqiyyə şəhərinə də düşüb.

Yerli hakimiyyət orqanları yaşayış evlərinə və digər tikililərə ziyan dəyiyini bildiriblər, lakin itkilər barədə məlumat yoxdur.