İranda ABŞ və İsraillə əlaqəli 31 nəfər saxlanılıb

Anadolu Ajansı yazır ki, İran Dövlət Televiziyası İstintaq Nazirliyinin məlumatına əsaslanaraq, Kerman bölgəsində istintaq qrupları və vətəndaşlardan gələn məlumatlar nəticəsində sabitliyi pozan şəbəkələri müəyyən edib.

Aparılan əməliyyatlarda Sircan bölgəsində sabitliyi pozmaq və sabotaj törətməkdə ittiham edilən, ABŞ və İsrail tərəfdən dəstəkləndiyi iddia olunan dörd təşkilatlanmış qrupun 31 üzvü saxlanılıb.

İran İstintaq Nazirliyi qeyd edib ki, bu şəxslər ilin əvvəlində baş verən hadisələrdə genişmiqyaslı dağıntı və zorakılıq hadisələrində iştirak ediblər.

Böyük zərər verərək bir vilayət idarəsinin binasını yandırıblar, həmçinin xüsusi və dövlət mülkiyyətinə aid yerləri və şəhər təhlükəsizlik kameralarını dərindən zədələyiblər.

Həmçinin, polis idarəsinə silah əldə etmək məqsədilə hücum təşkil etdikləri bildirilir. Bu hadisələr ölkədə sabitliyi pozmağa yönəlmiş addım kimi qiymətləndirilir.