İran uranın zənginləşdirilməsini dayandırmağı qəbul etdi

News.ru yazır ki, İran ABŞ-ın tətbiq etdiyi sanksiyaların yumşaldılması qarşılığında uranın zənginləşdirilməsi fəaliyyətini dayandırmağa razılıq verib.

Al Hadath telekanalının məlumatına görə, bu barədə Pakistandan olan mənbələr xəbər verib. Həmin mənbələr İran və ABŞ arasında vasitəçilik edən şəxslərin razılaşma əldə etməsinə kömək etdiyini bildirib.

İranın rəsmi şəxsləri hələ bu məsələyə münasibət bildirməyib.

İslam Respublikası prezidenti Məsud Pezeşkian öncədən Tehran hökumətinin nüvə silahı hazırlamaq niyyətinin olmadığını açıqlamışdı. O, ölkəsinin beynəlxalq öhdəliklərinə sadiq olduğunu vurğulayıb.

Pezeşkian əlavə edib ki, ABŞ-la anlaşma əldə edilərsə, İran uranın zənginləşdirilməsi ilə bağlı mövqeyini yenidən gözdən keçirə bilər.

İran rəhbəri qeyd edib ki, ölkə beynəlxalq hüquq çərçivəsində hərəkət edir və ABŞ-la dialoqa hazırdır, sövdələşmənin qarşılıqlı hüquqi normalara riayət olunması şərti ilə mümkün olduğunu bildirir.