Nazirlikdən verilən yazılı açıqlamada, Baş nazirin müavini və Xarici İşlər Naziri Antonio Tacaninin (Antonio Tajani) təşəbbüsü ilə həyata keçirilən və “universitet dəhlizi” olaraq adlandırılan əməliyyat çərçivəsində Qəzzadan çıxarılan 72 tələbənin bu axşam İordaniyanın paytaxtı Əmmana çatacağı, buradan isə sabah İtaliyaya gətiriləcəyi bildirilib.

Açıqlamada, 72 tələbədən 2-sinin San Marinoda, qalanlarının isə müxtəlif şəhərlərdəki 21 İtaliya universitetində təhsil alacağı qeyd edilib.

“Universitet dəhlizi” proqramının məqsədinin tələbələri Qəzza zolağından çıxararaq İtaliyadakı universitetlərdə təhsil almalarını təmin etmək olduğu vurğulanıb.

Açıqlamada, bugünkü əməliyyatla İtaliyanın təşəbbüsləri nəticəsində sentyabr 2025-ci ildən bəri Qəzzadan təxliyə edilən tələbə sayının 229-a yüksəldiyi; ötən ilin sentyabr-dekabr dövründə həyata keçirilən 4 əməliyyatda 157 tələbənin transfer edildiyi məlumatı da paylaşılıb.

**“İtaliya təhsil hüququna verdiyi dəstəyi təsdiqləyir”**

Açıqlamada fikirləri yer alan Nazir Tacani də “Bu universitet dəhlizi ilə fələstinli gənclərə gələcək, təhsil və təhlükəsizlik baxımından konkret bir fürsət təqdim etməyə davam edirik. İtaliya, Qəzzadakı sivil əhaliyə yönəlmiş humanitar yardım öhdəliyini və belə dramatik bir mühitdə təhsil hüququna verdiyi dəstəyi təsdiqləyir” ifadələrini istifadə edib.