İsrail mərkəzində ən azı bir nəfərin öldüyü, beş nəfərin yaralandığı açıqlanıb. Yerli səhiyyə xidmətinin məlumatına görə, 35 yaşlı kişi atışma zamanı aldığı güllə yaralarından ölüb, digər yaralılar isə iki xəstəxanaya yerləşdirilib. Onlardan ikisinin vəziyyəti ağırdır.

Polis hadisədə əli olduğu güman edilən şübhəlini öldürüb. Şübhəli şəxsin İsrail vətəndaşlığı olan Fələstinli olduğu, Tayibe şəhərindən olduğu bildirilir. Polis, sərhəd qoşunları və xüsusi birliklər əlavə şübhəlilərin axtarışı üçün əməliyyatları davam etdirir. Hücumda istifadə olunan silah tapılıb.

Polis ictimaiyyətdən daha diqqətli olmağı, polisin göstərişlərinə əməl etməyi və hər hansı şübhəli vəziyyəti dərhal bildirilməsini xahiş edib.

Əvvəlki açıqlamada bildirilib ki, İsrail təhlükəsizlik qüvvələri Qalqiliya yaxınlığındakı Kochav Yair yanacaqdoldurma məntəqəsində atışmanın baş verməsi haqda siqnaldan sonra müdaxilə edib. Radio məlumatına görə, hücumçu Kochav Yairdə başlayaraq Tzur İtsxak və Tzur Natan şəhərlərinin girişində atəş açmağa davam edib.

İsrail Daxili Təhlükəsizlik Xidməti və polis, Tayibedə əməliyyat kampaniyası keçirib, qonşu ərəb kəndlərinə təhlükəsizlik nəzarəti tətbiq olunub.

HƏMAS hücumu qəhrəmanlıq əməliyyatı adlandırıb, amma məsuliyyəti üzərinə götürməyib.

İsrail Baş Nazirinin mətbuat xidməti atışma ilə bağlı vəziyyətin qiymətləndirildiyini açıqlayıb.

İsrail təcili yardım xidməti Magen David Adomun nümayəndəsi Lior Zilberberq atışmanın başlanmasından sonra baş verənləri belə təsvir edib:

"Biz yaxınlıqdakı bir icmada böyük bir təlim keçərkən bir neçə atışma hadisəsi barədə məlumat aldıq. Təlimi dərhal dayandırıb, Kochav Yair, Tzur İtsxak və Tzur Natan yanacaqdoldurma məntəqələrinə təcili yardım briqadaları göndərdik".

"Sürücülər yolda mənə işarə edərək dayanmamı və avtomobildə huşsuz vəziyyətdə olan bir şəxsə tibbi yardım göstərməyimi istədilər. O, nəfəs almağırdı və döş qəfəsində güllə yaraları var idi. Tibbi müdaxilədən sonra onu ölü elan etməyə məcbur olduq.

"Avtomobilin yaxınlığında huşlu və yuxarı bədənindən güllə yaraları alan başqa bir yaralı var idi. Onun ilkin tibbi yardımından sonra xəstəxanaya aparılıb".