Türkiyə vitse-prezidenti Cevdet Yılmaz dərin iqtisadi qeyri-müəyyənlik dövründə etik prinsiplərə əsaslanan maliyyə sistemlərinin qlobal iqtisadiyyata əhəmiyyətli töhfələr verə biləcəyini bildirib.

İstanbulda Dolmabahçə Sarayında keçirilən 5-ci Qlobal Biznes Mükəmməlliyi Qalasında çıxış edən Yılmaz deyib ki, beynəlxalq əməkdaşlıq, həmrəylik və davamlı inkişaf qlobal iqtisadi çağırışlar qarşısında daha da önəmli olub.

"Etik əsaslara söykənən İslam maliyyəsi qlobal iqtisadiyyata əhəmiyyətli töhfələr vermək potensialına malikdir," - o, bildirib.

Qala 3-cü Qlobal İslam İqtisadiyyatı Zirvəsi çərçivəsində təşkil olunub və yüksək səviyyəli rəsmi şəxslər, iş adamları, maliyyə qurumları və İslam iqtisadiyyatı ekosisteminin nümayəndələrini bir araya gətirib.

Yılmaz qeyd edib ki, Türkiyə iştirakçı maliyyə və faizsiz maliyyə sistemlərinin genişləndirilməsinə sadiqdir.

O əlavə edib ki, İstanbul beynəlxalq maliyyə mərkəzi olmaq istiqamətində mühüm addımlar atır.

"İslam iqtisadiyyatının gələcəyi burada nümayiş olunan güclü tərəfdaşlıqlar və birgə layihələr əsasında formalaşacaq," - deyə o söyləyib.

AlBaraka İslam İqtisadiyyatı Forumu İdarə Heyətinin sədri Abdullah Saleh Kamel də tədbirdə çıxış edərək beynəlxalq əməkdaşlığın vacibliyini çatdırıb.

"Sizin bu yüksək səviyyədə iştirakinız qlobal İslam iqtisadiyyatının inkişafı üçün quracağımız əməkdaşlığın əhəmiyyətini açıq göstərir," - Kamel vurğulayıb.

Qala etik maliyyə, davamlı inkişaf və beynəlxalq əməkdaşlıq mövzularında müzakirələr üçün platforma rolunu oynayıb.

Zirvənin strateji tərəfdaşları arasında Prezident Aparatının İnvestisiya və Maliyyə Ofisi, Türkiyə Varlıqlar Fondu, İstanbul Maliyyə Mərkəzi, İslam Əməkdaşlığı Gənclər Forumu və İbn Xəldun Universiteti yer alıb.

Proqram Dolmabahçə Sarayında iştirakçılar arasında şəbəkələşmə sessiyası ilə yekunlaşıb.