İngiltərə Baş Nazirinin mülkiyyətinə qarşı bir neçə yanğın hücumu törədən iki nəfər həbs olunub.

Prokurorların məlumatına görə, 22 yaşlı Ukrayna əsilli Roman Lavrynovıç və 27 yaşlı Stanislav Carpiuc "El Money" adlı rusdilli şəxs tərəfindən Telegram vasitəsilə hücumları həyata keçirmək üçün pul təklif edilib.

Hakim Nil Qarnham şənbə günü Lavrynovıçı "naməlum məqsəd üçün" insanların həyatını təhlükəyə atan "pion" kimi qiymətləndirib. O, yeddi il müddətinə azadlıqdan məhrum edilib.

Hakim əlavə edib: “Sən bu məntiqsiz yanğın hücumunu pula görə qəbul etdin. Prinsipləri möhkəm olan şəxs deyildin və asanlıqla alınıb satıldın.”

Ukraynada doğulmuş rumın vətəndaşı Carpiuc isə Lavrynovıçı dəstəkləyərək iki il həbs cəzası alıb.

2025-ci ilin may ayında kişilər Kir Starmerə bağlı Londondakı evlərə - keçmiş mənzilinə, orada yaşayan qayınvalidəsi və ailəsinə, həmçinin əvvəl sahib olduğu Toyota avtomobilinə gecə vaxtı hücum ediblər.

Onlar Londonun Old Beyli məhkəməsində mülkiyyətə yanğınla zərər vurmaq məqsədilə sui-qəsdə görə məhkum ediliblər.

Prokurorluq Lavrynovıçın üç yanğını törətdiyini və əlavə olaraq həyat üçün təhlükə yaradan yanğın törətməkdə iki maddə üzrə ittiham olunduğunu bildirib.

İttihama əsasən, cinayətkarların siyasi motivləri olmayıb. Onların məqsədi maliyyə maraqlarıdır.

"El Money" həm rus, həm də ukraynaca Lavrynovıçla əlaqə saxlayıb. Prokurorluq həmin hesabın arxasında kimin dayandığını açıqlamayıb. Lavrynovıç isə hədəfin kim olduğunu bilmədiyini deyib. Məhkəməyə təqdim olunan mesajlarda "El Money" onun Britaniyada “çox yüksək vəzifəli şəxsin” evinə hücumdan sonra ölkədən qaçmalı olduğunu bildirib.

"BBC" xəbər yayıb ki, "El Money" 23 yaşlı gənc rus diplomatı və yüksək vəzifəli məmurun oğludur.

Böyük Britaniya polisi iki şəxsin Rusiyaya bağlılığına dair konkret sübut olmadığını, Londondakı Rusiya səfirliyinin isə Rusiyanın Birləşmiş Krallığın təhlükəsizliyinə təhlükə yaratmadığını və şübhələri rədd etdiyini açıqlayıb.

Londonda Terrorla Mübarizə Polisinin rəhbəri Helen Flanagan qərardan sonra bildirib ki, təşkilatçı “qorxu yaratmaq” istəyirdi, lakin “El Money”nin dövlət təhdidi olduğuna dair sübut yoxdur.

Məhkumiyyətdən sonra Kir Starmer hökmü dəstəkləyib. O, hücumların “daha geniş kontekstdə qiymətləndirilməli” olduğunu, Ukraynanın müharibədə “daha yaxşı nəticələr əldə etdiyini” və Qərbin sanksiyalarının Rusiyaya “real təsiri” olduğunu vurğulayıb.