Gela Bejuaşvili: Azərbaycan Cənubi Qafqazda əməkdaşlığa rəhbərlik etmək üçün uyğun ölkədir

Yeniliklərdən dərhal xəbərdar olun!

Azərbaycan Cənubi Qafqaz ölkələri arasında əməkdaşlığın gücləndirilməsi prosesində lider roluna uyğundur.

"Report" xəbər verir ki, bu barədə "Strategy International (SI) Ltd"nin Direktorlar Şurasının üzvü, Gürcüstanın sabiq xarici işlər və müdafiə naziri Gela Bejuaşvili "CAMCA 2026" Regional Forumunda bildirib.

"Mövcud şərait və geosiyasi vəziyyət barədə danışsaq, hesab edirəm ki, Azərbaycan bu prosesə rəhbərlik etmək üçün uyğundur", - o qeyd edib.

G.Bejuaşvilinin sözlərinə görə, Cənubi Qafqazın üç ölkəsi bir-birini tamamlaya və gücləndirə biləcəyi istiqamətləri, sahələri müəyyən etməli, bununla da regionun rəqabət qabiliyyətini artırmalıdır.

O, Cənubi Qafqaz ölkələrinin üstünlüklərini və güclü tərəflərini, eləcə də onların birgə inkişaf imkanlarını müəyyən etmək üçün işçi qrupun yaradılmasını təklif edib.

XƏBƏR YENİLƏNİR