Dünya Bankı TBNM-ə 20 milyard dollar özəl investisiya cəlb etmək potensialı görür

Yeniliklərdən dərhal xəbərdar olun!

Transxəzər Beynəlxalq Nəqliyyat Marşrutunun (TBNM, Orta Dəhliz) yalnız tranzit yolundan tamhüquqlu iqtisadi dəhlizə çevrilməsi üçün tələb olunan prioritet əlavə investisiyaların məcmu həcmi 2040-cı ilə qədər olan dövrdə 30,5 milyard ABŞ dollarına çatır.

Bu barədə "Report" Dünya Bankının "İnteqrasiya: Transxəzər Nəqliyyat Marşrutu boyu yüksək səviyyəli ticarət logistikası" adlı hesabatına istinadən xəbər verir.

Qeyd olunan məbləğin təxminən 66 %-i (20,03 milyard ABŞ dolları) özəl sektordan cəlb edilə bilər. Tədqiqatın nəticələrinə görə, mümkün özəl kapital qoyuluşlarının strukturu aşağıdakı kimidir: ödənişli magistral yollar (xətti infrastruktur) – 53 %; logistika avadanlıqları və hərəkət heyəti – 26 %; qovşaq infrastrukturu (terminallar, logistik hablar, multimodal mərkəzlər) – 19 %; dəmir yolu xətləri – 1 %.

2040-cı ilə qədər əlavə investisiyalara ən çox ehtiyac Özbəkistanda (11,5 milyard ABŞ dolları), Qazaxıstanda (7,53 milyard ABŞ dolları) və Türkiyədə (3,78 milyard ABŞ dolları) qeydə alınıb.