Donald Tramp süni intellekt şirkətlərinin özünü tənzimləməsini elan etdi

Deutsche Welle yazır ki, ABŞ prezidenti Donald Tramp süni intellekt (Sİ) sahəsinin aparıcı şirkətlərinin baş direktorları ilə Ağ Evdə görüş keçirib. Görüş zamanı Tramp texnologiyaya dəstəyini bir daha təsdiqləyib və onun inkişafının qarşısının alınmayacağını vurğulayıb.

Tramp bildirib ki, rəhbər Sİ şirkətləri texnologiyanın inkişafını özləri tənzimləyəcək və buna görə bir saziş imzalayıblar. Onun sözlərinə görə, sənəd "Ağ Ev Super İntellekt Sazişi" adlanır və şirkətlərin gizli yoxlama, monitorinq və səhvlərin aradan qaldırılması kimi tədbirlər görməsini nəzərdə tutur.

Görüşdə Anthropic-in Dario Amodei, OpenAI-nin prezidenti Greg Brokmən, Amazon-un təsisçisi Cef Bezos, X sosial şəbəkəsinin sahibi İlon Mask, Nvidia-nın baş direktoru Jensen Huang, Google-nun rəhbəri Sundar Piçai, "Meta"nın rəhbəri Mark Sukerberq və Microsoft-un rəhbəri Satya Nadella iştirak edib.

Tramp həmçinin təhlükəsizliklə bağlı narahatlıqları "saxtakarlıq" adlandıraraq texnologiyanın inkişafına mane olmayacağını söyləyib. O, süni intellekti "saxta" yox, "super intellekt" kimi adlandıracağını deyib.

Sazişdə şirkətlər öz məhsullarının təhlükəsizliyinə görə məsuliyyət daşıyır, daxilində yoxlamaları gücləndirir və müstəqil ekspertlərin qiymətləndirmələrini qəbul edirlər. Həmçinin, idarə heyəti daxilində müstəqil komitə yaradılaraq hesabatlar təqdim olunacaq.

Tramp bu razılaşmanın hüquqi xarakter daşımadığını, amma gələcəkdə qanun və qaydalara çevrilə biləcəyini də bildirib.