Denis Puşilin Ukraynada qadınların səfərbərliyini şərh edib

News.ru yazır ki, Denis Puşilin sözlərinə görə, Kyiv insan çatışmazlığı ilə üzləşdiyindən ordunun şəxsi heyətini artırmaq üçün müxtəlif variantları nəzərdən keçirir.

Puşilin bildirib ki, heç nə istisna edilə bilməz və qadınların da hərbi xidmətə çağırılması ideyası gündəmdədir.

Ötən dövrdə Ukraynada hərbi qeydiyyatda olan qadınlara geniş surətdə çağırış vərəqələri göndərilməyə başlayıb. Bu sənədlərdə onların hərbi komissarlıqlara gəlməsi və məlumatların yenilənməsi tələb olunur.

Daha əvvəl Rusiya Dövlət Dumasının Müdafiə Komitəsinin üzvü Andrey Kolesnik deyib ki, Ukrayna ordusundakı personal çatışmazlığı səbəbindən qadınlara da səfərbərlik çağırışları göndərilə bilər. Onun fikrincə, mobilizasiya planlarının yerinə yetirilməsində çətinliklərlə üzləşən ukrayna hakimiyyəti potensial hərbi qulluqçuların dairəsini genişləndirməyə çalışır.