Apple bu həftə keçirilən Ümumdünya Proqramçılar Konfransında (WWDC) çoxsaylı proqram yeniləmələrini təqdim edib. Onların içərisində xüsusilə şəkil çəkilişi təcrübəsini dəyişə biləcək mühüm yeniliklər var. Apple-ın təqdim etdiyi növbəti nəsil süni intellekt bazlı xüsusiyyətlər istifadçilərə artıq çəkilmiş şəkillərin perspektivini və kompozisiyasını redaktə etmək imkanı yaradacaq.

Yeni "Məkanlı Yenidənqurma" (Spatial Reframing) aləti vasitəsilə istifadəçilər çəkilmiş fotonun baxış bucağını və kadr quruluşunu sonradan dəyişə biləcəklər. Bu, şəkil çəkilişi zamanı səhnəyə qayıtmadan, fotoşəkilin daha ideal variantını əldə etməyə imkan verəcək. Bundan əlavə, Apple müxtəlif format və ölçülərə uyğun genişləndirmə vasitələri əlavə edir ki, şəkillərin telefon zəngi üçün divar kağızı, sosial media paylaşımı kimi fərqli məqsədlərə uyğunlaşdırılması asanlaşsın. Bu yeniliklər ümumilikdə anın "doğru" şəkilini çəkməkdə yaranan təzyiqi azalda bilər.

Fotoşəkil yenilikləri Apple-ın WWDC mərasimində təqdim edilən proqram təminatı yeniliklərinin yalnız bir hissəsidir. Şirkət eyni zamanda daha şəxsi və daha effektiv istifadəçi təcrübəsi vəd edən yenilənmiş "Siri AI" səs köməkçisini, valideyn nəzarəti və ekran vaxtı funksiyalarını təqdim edib. Həmçinin şirkət çoxsaylı proqram platformalarında performans təkmilləşdirmələri həyata keçirib və digər yeni əlavələr təqdim edib.