Antalya Baş Prokurorluğu tərəfindən bələdiyyənin iştirakçısı olduğu ANSET şirkətinə qarşı aparılan istintaq çərçivəsində 25 şübhəli barəsində həbs qərarı çıxarılıb. Şübhəlilərin tutulması üçün əməliyyat davam edir. İl Daxili İşlər İdarəsinin Qaçaqçılıq və Mütəşəkkil Cinayətkarlıqla Mübarizə Şöbəsi tərəfindən aprelin 30-da Antalya mərkəzli İstanbul, Ankara, İzmir, Muğla, Dənizli və Ədirnədə eyni vaxtda keçirilən əməliyyatda 27 şübhəli yaxalanıb, əməliyyatın davamında daha 2 şübhəli saxlanılıb. Şübhəlilərdən 2-si polis idarəsindən azad edilib, 11-i isə prokurorluq sorğusundan sonra sərbəst buraxılıb. Sülhə vəkil məhkəməsinə çıxarılan şübhəlilərdən 14-ü həbs edilib, 2-si isə məhkəmə nəzarəti şərti ilə azadlığa buraxılıb. Əməliyyat zamanı ilkin olaraq həbs qərarı çıxarıla bilməyən bələdiyyənin baş katibi Cansel Çevikol Tuncer isə xəstəxanadan çıxandan sonra saxlanılaraq məhkəmə tərəfindən həbs edilib. Həbs qərarı verilən 3 şübhəlinin axtarışda olduğu bildirilib. İstintaq çərçivəsində, dövlət müfəttişi tərəfindən hazırlanan hesabat, ekspert rəyləri və polis tərəfindən aparılan texniki və fiziki tədqiqatlar nəticəsində ANSET tərəfindən keçirilən ihalələrdə qanun pozuntuları aşkar edildiyi qeyd edilib. İstintaqda, dövlət ihalələrinə müdaxilə edildiyi, haqsız mənfəətin təmin olunduğu və əldə edilən cinayət gəlirlərinin müxtəlif üsullarla yuyulduğu barədə güclü şübhələrə gəlindiyi, 113 milyon 426 min 440 lirə məbləğində dövlət zərərinə səbəb olunduğunun müəyyən edildiyi ifadə edilib.