AMB kreditlərdə xalis gəlirin 5 misli ilə məhdudlaşdırmanın nəticələrini açıqlayıb

Yeniliklərdən dərhal xəbərdar olun!

Azərbaycan Mərkəzi Bankının (AMB) izafi borclanmanın qarşısının alınması məqsədi ilə apardığı requlyativ təkmilləşdirmə (borcalanın kredit kartının onun vergidən sonrakı xalis gəlirinin maksimum 5 misli ilə məhdudlaşdırılması) nəticəsində son 1 ildə kredit kartlarının istifadə olunmuş hissəsi 179 milyon manat, istifadə olunmamış hissəsi 172 milyon manat azalıb.

"Report" xəbər verir ki, bu barədə AMB-nin yarımillik "Maliyyə Sabitliyi hesabatı"nda bildirilir.

Sənədə əsasən, son 1 ildə kredit kartlarının sayı 3,5 % (74 min vahid) azalıb.

"Kredit kartlarının sayında və mövcud kredit kartlarının istifadə olunmamış hissəsində azalma əhalinin izafi borclanmasının qarşısını alaraq məsuliyyətli və sağlam borclanmanı şərtləndirib", - deyə hesabatda qeyd olunub.