ABŞ dizel yanacağının ixracını qadağan edə bilər

News.ru yazır ki, ABŞ prezidenti Donald Tramp dizel yanacağının ixracı ilə bağlı qadağa tətbiq etməyi ciddi şəkildə nəzərdən keçirir. O, Çikaqo yaxınlığında keçirilən Presidents Cup qolf turniri zamanı bu qərarın benzin qiymətlərinə təsir edəcəyini bildirib.

Tramp bunun avtomobil benzini qiymətlərinin bir qədər artmasına səbəb ola biləcəyini qeyd edib və bu məsələnin ciddi şəkildə müzakirə olunduğunu vurğulayıb.

Eks-deputat və politoloq Sergey Stankevich hesab edir ki, ABŞ-ın Rusiya ilə razılaşması ölkədə yaranan yanacaq böhranının qarşısını ala bilər. Onun sözlərinə görə, ABŞ-da dizel yanacağının qiyməti indiki halda gallonuna 6,51 dollardır ki, bu da normanın ikiqatıdır.

Stankevich əlavə edib ki, bu vəziyyətdən çıxmaq üçün ABŞ Kiyevdən Rusiya neft obyektlərinə zərbələrin dayandırılmasına dair moratorium tələb etməlidir. Belə addımlar dizel yanacağının qiymətini bir neçə ay ərzində 4 dollara qədər endirə bilər.

Eyni zamanda, Avropanın bəzi ölkələrində də benzin qiymətləri yüksəlməkdədir. Məsələn, Niderlandda Euro-95 markalı benzinin qiyməti iki gün ardıcıl rekord həddə çatıb.

26 sentyabrda benzinin litri 2,729 avro səviyyəsinə yüksəlib, əvvəlki günə nisbətən isə 0,2 avro artım müşahidə olunub.