2025-ci ildə Qəzzədə 25 minə yaxın fələstinli həlak olub

Anadolu Ajansı yazır ki, Qəzza Səhiyyə Nazirliyi 2025-ci ilin ölüm statistikalarını açıqlayıb. İl ərzində 24 min 650 ölüm qeydə alınıb və onların 70,1 faizi birbaşa İsrailin hücumları səbəbindən baş verib.

Ölümlərin 7,7 faizi isə ürək xəstəliklərinə bağlı olub. İl ərzində həyatını itirənlərin 73,4 faizi kişilər, 26,6 faizi qadınlardır.

Coğrafi bölgələrə görə, ən yüksək ölüm faizi 37,3 faizlə Qəzza şəhərində olub. Onu 20,2 faizlə Qəzza şimalı, 19,5 faizlə Xan Yunus, 12,3 faizlə Deyr əl-Bələ və 10,7 faizlə Rəfah izləyir.

5 yaşına çatmayan uşaqlar arasında ölüm nisbətində ciddi artım müşahidə edilib. 2025-ci ildə hər 1000 doğulan körpədən 334-ü beş yaşını tamamlamadan vəfat edib.

İsrail 2023-cü ilin oktyabrından etibarən iki illik ağır hücumlar başlatıb, lakin 2025-ci ilin oktyabrında atəşkəsə baxmayaraq, hücumlarını davam etdirir. Səhiyyə Nazirliyinin məlumatına görə, atəşkəsdən sonra hücumlarda 1431 fələstinli həlak olub, 5 min 26 nəfər yaralanıb.

Son 3 il ərzində İsrailin hücumlarında 74 mindən çox fələstinli ölüb, 175 mindən çoxu yaralanıb. Hücumlar Qəzza infrastrukturunun 90 faizini dağıdıb və dağıntılar altında minlərlə cəsəd qalmaqdadır.