10Beauty adlı robot manikür şirkəti planlarından qat-qat çox maliyyə vəsaiti toplamaq hədəfini müəyyən edib.

2013-cü ildə Boston şəhərində qurulan robototexnika şirkəti Story Ventures-in rəhbərliyi ilə yeni maliyyələşdirmə mərhələsində 23,5 milyon dollar toplayıb. Beləliklə, şirkətin ümumi investisiya məbləği təxminən 70 milyon dollara çatıb. Əvvəlki mərhələlərdə sərmayəçilər sırasında Victoria Beckham və Imaginary Ventures də var.

Payızda şirkət öz beş addımlı manikür cihazını Bostonun Ulta Beauty mağazasında təqdim edib və indi Çikaqoda genişlənməyi planlaşdırır.

Şirkətin artıq ilk 850 manikür aparatının əsas tərəfdaş və satış məntəqələri arasında yerləşdirilməsi üzrə müqavilələri var. Bu tərəfdaşlar arasında Ulta Beauty və Nordstrom kimi güzəştli pərakəndə satış, departament mağazaları, otellər, fitness mərkəzləri, dırnaq və saç salonları yer alır.

Xidmət istifadəçinin seçdiyi addımların sayından asılı olaraq 25-45 dəqiqə davam edir və Ulta Beauty-də təqdim olunduqda qiyməti 30 dollar təşkil edəcək.

Şirkət yeni investisiyanın texnologiyanın inkişafı, əməliyyatların hazırlıq səviyyəsinin artırılması və 10Beauty-nin ilk tərəfdaşlarında ilkin quraşdırma mərhələsinin başlamasına dəstək verəcəyini bildirir.

Keçən ilin noyabr ayında Nyu-Yorkda keçirilən WWD Beauty Inc The Catalysts tədbirində 10Beauty-nin həmsərmayəçisi və baş icraçı direktoru Aleksandr Şaşo qeyd edib: "Bir şeyi təqdim etmə formasını dəyişəndə, həmçinin təcrübəni tamamilə dəyişmək mümkündür. Təsəvvür edin, gün gələcək ki, dırnaq düzəltmək qəhvə içmək qədər sadə olacaq. Düşünün ki, artıq manikür xidməti olduğunuz hər yerdə əlçatan olacaq və bir gün evinizdə də mümkün olacaq."