Zelenski Ukrayna qüvvələrinin Rusiyaya zərbələrindən danışdı

Ukrainskaya Pravda yazır ki, Vladimir Zelenski sentyabrın 28-nə keçən gecə Ukrayna qüvvələrinin Rusiyanın Tula və Voronej vilayətlərindəki iki müdafiə zavoduna zərbə endirdiyini açıqlayıb.

O, həmçinin SBU-nun Krasnodar bölgəsində neft obyektlərinə hücum etdiyini bildirib. Ukrayna qüvvələri Kaluga və Orlov vilayətlərində də Rusiyanın Ukraynaya dronlarla hücumlar üçün istifadə etdiyi obyektlərə zərbələr endirib.

Bryansk vilayətində isə rus qoşunlarına qarşı zərbələr həyata keçirilib. Zelenski Qara dənizdə bir obyektin vurulduğunu deyib, lakin onun hansı obyekt olduğunu açıqlamayıb.

Əvvəlcə Krasnodar bölgəsində yerləşən "Edelveys-95" neft bazasına dronlar hücum edərək genişmiqyaslı yanğına səbəb olub. Bryanskda isə dron hücumu nəticəsində dəmiryolu körpüsünün bir hissəsi uçub və yük qatarının vaqonları relsdən düşüb.