Yaroslavl yaxınlığında pirotexnika zavodunda yanğın söndürülüb

News.ru yazır ki, Yaroslavl vilayətinin Kubrinsk kəndində yerləşən pirotexnika istehsalı müəssisəsində yanğın tamamilə söndürülüb.

Hadisə nəticəsində 14 nəfər ölüb, bir qadın isə xəsarət alıb və xəstəxanaya aparılıb.

Yanğın iki binada baş verib və onun söndürülməsində 100-dən çox yanğınsöndürən və 40 texnika cəlb edilib.

Rusiyanın Fövqəladə Hallar Nazirliyi yanğının 28 sentyabr tarixində 17:54-də lokalizə edildiyini bildirib.

Yanan zavodun ərazisində binaların dağıntılarından beş cəsəd tapılıb, yaralanmış qadının ayaq xəsarəti aldığı qeyd olunur.