Yakup Bozkurt cinayəti üzrə 6 şübhəli istintaqa cəlb edildi

Hürriyet yazır ki, 2012-ci ildə Mövsümlük işçi kimi Seyitgazi rayonuna gələn Yakup Bozkurt yoxa çıxıb. Onun axtarışı üçün jandarma, Fəlakət və Təcili Yardım Agentliyi (AFAD), Cəsarətli Qurtarma Komandası (AKUT) və Türkiyə Hərbi Hava Qüvvələrinə aid helikopterlər göndərilib.

Yakup Bozkurtun meyiti Doğançayır kəndinin Kırgız Tepe hissəsində beton borunun içində tapılıb. O vaxt aparılan istintaq işinə baxmayaraq, qatillə bağlı heç bir izə rast gəlinməyib.

Ədliyyə Nazirliyinin müvafiq bölməsi dosyanı yenidən araşdırmağa başlayıb. Eskişehir Cumhuriyyət Baş Prokurorluğunun rəhbərliyi ilə Jandarma Suç Araşdırma Təbəqəsinin (JASAT) əməkdaşları hadisə yerində təkrar axtarışlar aparıb.

Soruşturma zamanı Yakup Bozkurtun atası Abdurrezzak Bozkurt, anası Huriye Çiftçi, meyiti tapan Halil D., Salih B., Salih M. və Abdülkadir B. saxlanılıb. İfadəsi alınan 6 şübhəli prokurorluğa təqdim olunub.

Anası Huriye Çiftçi ifadəsində keçmiş əri Abdurrezzak Bozkurtun oğlunu öldürdüyünü söyləyib. O deyib ki, oğlunun yoxa çıxmasından bir neçə gün sonra Abdurrezzak əlində yara ilə geri gəlib və hadisədən sonra oğlunu öldürdüyünü etiraf edib.

Şübhəlilərdən Abdurrezzak Bozkurt həbs olunub, beşi isə sərbəst buraxılıb.