Vaqit Ələkbərov dividend ödənişləri üzrə lider oldu

Forbes jurnalı 2026-cı ildə ən çox dividendlər alan 75 rus sahibkarının siyahısını dərc edib. Siyahının birinci yerini LUKOIL-in təsisçisi Vaqit Ələkbərov tutub. Onun aldığı dividendlərin məbləği 106,2 milyard rubl təşkil edib.

İkinci yerdə "Novatek"in idarə heyətinin rəhbəri Leonid Mixelson və ailə üzvləri yer alıb. Forbes onların ümumi dividend gəlirini 87,1 milyard rubl qiymətləndirib. Gəlirlər "Novatek"dən və "Sibur"dan əldə olunub.

Siyahının üçüncüsü hər iki şirkətin idarə heyətində üzv olan Gennadiy Timçenko olub. Onun aldığı dividendlərin həcmi 71,5 milyard rubldur.

Ələkbərov bu siyahıda 2023 və 2024-cü illərdə də birinci olub. 2025-ci ildə "Severstal"ın ortaq sahibi Aleksey Mordashov siyahının başında olub.

Sonrakı siyahıda "Merkuri" qrupunun prezidenti İqor Kesayev (40,5 milyard rubl), "LetterOne Holdings" və "Alfa-Group"un sahibi Mixail Fridman (39,5 milyard rubl), "İnterros"un rəhbəri Vladimir Potanin (35,9 milyard rubl) və digər tanınmış sahibkarlar yer alıb.