Mərkəzi Bankın keçirdiyi sorğuya görə, həm ev təsərrüfatları, həm də bazar iştirakçılarının növbəti 12 ay üçün illik inflyasiya gözləntiləri iyun ayında yaxşılaşıb.

Bankın 22 iyun tarixində açıqladığı məlumata görə, ev təsərrüfatlarının 12 aylıq inflyasiya gözləntisi əvvəlki aya nisbətən 3,38 faiz bəndi azalararaq 46,13 faizə düşüb.

Bank qeyd edib ki, növbəti 12 ayda inflyasiya faizinin azalacağına ümid edən ev təsərrüfatlarının payı əvvəlki aya nisbətən 0,1 faiz bəndi artaraq 15,7 faizə yüksəlib.

Sorğu nəticələrinə görə, ev təsərrüfatlarının son bir ildə qiyməti ən çox artan və növbəti 12 ayda da artım gözlədikləri məhsul və xidmət qrupları ərzaq və yanacaq-enerji sektorları olub.

Sorğunun nəticələrinə əsasən, qiymət artımı baxımından ərzağı ən yüksək qiymətləndirən respondentlərin payı əvvəlki aya nisbətən 1,6 faiz bəndi azalaraq 39,3 faiz təşkil edib.

Türkiyədə illik inflyasiya faizi aprel ayından may ayına qədər cüzi artaraq 32,37 faizdən 32,61 faizə yüksəlib, istehlak qiymətləri isə ay ərzində 1,7 faiz artıb. May ayında Mərkəzi Bank 2026-cı ilin sonu üçün inflyasiya proqnozunu regional münaqişənin, enerji qiymətlərinin yüksəlməsinin və qlobal perspektivdəki qeyri-müəyyənliyin təsiri səbəbindən 26 faiz səviyyəsinə qaldırıb.

Bankın may ayındakı rüblük inflyasiya hesabatında inflyasiyanın 2027-ci ilin sonuna qədər 15 faizə, 2028-ci ilin sonuna qədər isə 9 faizə düşəcəyi və daha sonra orta müddətli hədəf olan 5 faiz səviyyəsində stabilləşəcəyi gözlənilir.

Sorğu həmçinin növbəti 12 ay üçün ABŞ dolları/Türkiyə lirəsi məzənnəsi gözləntilərinin əvvəlki aya nisbətən 0,14 lirə artaraq 52,67 lirəyə yüksəldiyini göstərir.

Maliyyə bazar iştirakçılarının investisiya seçimlərinə baxıldıqda isə ilk sırada gedən qızıl almağın göstərilən faizinin əvvəlki aya nisbətən 4 faiz bəndi azalararaq 44,3 faizə düşdüyü bildirilib.

İkinci ən çox seçilən investisiya variantı olan ev, mağaza, torpaq və digər oxşar daşınmaz əmlak almaq istəyənlərin payı isə əvvəlki aya nisbətən 3,9 faiz bəndi artaraq 37,1 faiz təşkil edib.

Mərkəzi Bankın 22 iyun tarixində dərc etdiyi Sektoral İnflyasiya Gözləntiləri sorğusu bazar iştirakçıları üçün 12 aylıq illik inflyasiya gözləntilərinin əvvəlki aya nisbətən 0,01 faiz bəndi azalaraq 23,81 faiz, real sektor üçün isə dəyişməz qalaraq 33,10 faiz səviyyəsində olduğunu göstərib.

Sektoral İnflyasiya Gözləntiləri maliyyə və real sektor mütəxəssisləri, istehsalat sənayesi şirkətləri ilə ev təsərrüfatlarının 12 aylıq gələcək illik istehlak inflyasiya gözləntilərinin birgə hesablanması ilə müəyyən edilir.