Ukraynalılar televiziya yayımlarından məhrum qaldı

News.ru yazır ki, Ukraynada televiziya kanallarının bir hissəsinin yayımları 26 sentyabr axşamı birdən-birə kəsilib. Bu, internet üzərindən yayımlanan MEGOGO və SWEET.TV kimi platformalardakı problemlərlə əlaqədardır.

Məşhur 1+1 və STB kanallarının siqnalı dayanıqlığını itirib, lakin bəzi digər kanallar normal şəkildə fəaliyyət göstərir.

MEGOGO-nun mətbuat xidmətindən bildiriblər ki, bu fasilə şirkətin tərəfdaşının məlumat mərkəzində yaranan zədələnmə ilə bağlıdır. Oxşar problem günün əvvəlində də qeydə alınmışdı.

O vaxt Pryamoy kanalının saytı əlçatmaz olmuş, Biz Ukrayna və Müdafiə Nazirliyinin Armia.TV kanalları yayımlarını dayandırmışdı. Həmçinin, Obşestvennıye Novosti yayımlayıcı saytının fəaliyyətində problem yaranıb.

Eyni zamanda, Ukraynanın yeddi vilayətində elektrik enerjisi kəsilib. Bu ərazilərə Kiyev, Dnepropetrovsk, Vinitsa, Jitomir, Nikolaev, Çerniqov və Sumı daxildir. Ukrenerqo bildirir ki, bəzi bölgələrdə, xüsusən də Dnepropetrovsk, Kiyev və Çerniqovda, işıq kəsilməsi pis hava şəraitindən qaynaqlanıb.