Ukrayna Patriot raketlərinin sayını kritik səviyyəyə çatdırıb

Oktyabrın 15-də bir neçə media orqanı Ukraynanın Patriot müdafiə raketlərinin kritik səviyyəyə çatdığını Ukrayna rəsmilərinə istinadla açıqlayıb. Bu, Rusiyanın qış ayları öncəsi enerji infrastrukturuna hücumlarını gücləndirməsi ilə müşahidə olunur.

Ukraynalı rəsmilərdən biri "Vaşinqton Post"a bildirib ki, oktyabrın 7-də gətirilən on Patriot raketi tükəndikdən sonra yalnız bir neçə raket qalıb. CNN isə vəziyyətə yaxın mənbəyə istinadla Kiyevin raket ehtiyatının tam şəkildə tükəndiyini xəbər verib.

Kiyev İndependent hələ müdafiə raketlərinin qalan sayını təsdiqləyə bilməyib.

Qalıq Patriot raketlərinin sayında fərqli rəqəmlər verilən xəbərlər olsa da, Kiyevin hava hücumundan müdafiə mərmilərində, xüsusilə də Patriotlarda kritik çatışmazlıq yaşaması aydındır. Bu raketlər Rusiya ballistik raketlərini etibarlı şəkildə qarşısını almaq qabiliyyətinə malik yeganə silahlardır. Bunu Ukrayna paytaxtına Rusiyanın hücumlarının artması sübut edir.

Oktyabrın 13-14-də Rusiya yenidən genişmiqyaslı ballistik raket hücumu həyata keçirib. Hücumda Kiyevin üç istilik və enerji stansiyası hədəfə alınıb. Bundan başqa, Kiyev vilayətindəki kritik infrastruktur da hədəfdə olub. Hücümdə 39 ballistik raket istifadə olunub. Nəticədə üç qadın həlak olub, 25 nəfər yaralanıb.

CNN-in mənbəsi bildirib ki, Ukraynanın Patriot müdafiə raketlərinin çatışmazlığı səbəbindən Rusiyanın raketlərinin demək olar hamısı Ukrayna hava müdafiəsini keçib.