Ukrayna Miqrasiya Xidməti müvəqqəti pasport xidmətini dayandırıb

Ukrainskaya Pravda yazır ki, Ukrayna Dövlət Miqrasiya Xidməti sentyabrın 28-dən 30-na qədər texniki nasazlıq səbəbindən pasport sənədlərinin verilməsi xidmətini müvəqqəti dayandırıb.

Xidmətin açıqlamasında bildirilir ki, elektron kommunikasiya operatorunun avadanlığındakı problemlə əlaqədar Miqrasiya Xidmətinin bəzi informasiya və telekommunikasiya sistemlərinə çıxış məhdudlaşdırılıb.

Həmçinin, bərpa işləri aparılan müddətdə Miqrasiya Xidmətinin rəsmi veb-saytının fəaliyyəti dayandırılıb.

Xidmət istifadəçilərdən vəziyyəti nəzərə almalarını xahiş edib, yaranan narahatlığa görə üzr istəyib.

Əvvəllər "Diya" tətbiqində bəzi sənədlərin göstərilməməsi və xidmətlərin işləməməsi xəbərləri yayılmışdı ki, bunun səbəbini Miqrasiya Xidmətinin texniki məsələləri kimi açıqlamışdılar.