Türkiyənin avqust ayı ixracı 23 milyard dollara yüksəldi

Anadolu Ajansı yazır ki, Türkiyə Statistika Qurumu və Ticarət Nazirliyi avqust ayına aid müvəqqəti ticarət məlumatlarını açıqlayıb. Bu məlumatlara əsasən, Ümumi Ticarət Sistemi çərçivəsində ölkənin ixracı ötən ilin eyni ayı ilə müqayisədə 8,1 faiz artaraq 23 milyard 467 milyon dollar təşkil edib.

Eyni zamanda, idxal 10,5 faiz yüksələrək 28 milyard 706 milyon dollar olub. Ticarət balansı isə 22,3 faiz artaraq 4 milyard 283 milyon dollardan 5 milyard 239 milyon dollara çatıb.

Avqust ayında ixracın idxalı qarşılama faizi 81,7 faiz olub. Bu göstərici 2025-ci ilin avqust ayında 83,5 faiz təşkil etmişdi.

Yanvar-avqust dövründə isə ixrac ötən ilin eyni dövrü ilə müqayisədə 4 faiz artaraq 184 milyard 996 milyon dollar, idxal isə 5,3 faiz artaraq 250 milyard 790 milyon dollar olub. Ticarət balansındakı çatışmazlıq 9,3 faiz artaraq 60 milyard 206 milyon dollardan 65 milyard 793 milyon dollara yüksəlib.

Avqust ayında enerji məhsulları və qeyri-nəğd qızıl istisna olmaqla ixrac 2,7 faiz artaraq 20 milyard 831 milyon dollara, idxal isə 9,6 faiz artaraq 21 milyard 919 milyon dollara çatıb. Bu istiqamətdə ticarət çatışmazlığı 1 milyard 88 milyon dollar təşkil edib.

Ümumilikdə, enerji və qızıl istisna olmaqla ticarətin həcmi 42 milyard 749 milyon dollar olub, ixracın idxalı qarşılama faizi 95 faiz səviyyəsindədir.