Türkiyə Suriya ilə təhsil əməkdaşlığını genişləndirir

Anadolu Ajansı yazır ki, Türkiyənin Şam səfiri Yılmaz Suriya Təhsil Nazirliyində nazir Turko ilə görüş keçirib.

Görüşdə Suriyanın şimalında türk dili dərslərinin davam etdirilməsinin və ölkə üzrə türk dilinin seçmə fənn kimi tədris olunmasının vacibliyinə diqqət yetirilib.

Yılmaz, yaxın zamanda səfirlik tabeliyində Şamda açılması planlanan Şam Beynəlxalq Rəcəb Tayyib Ərdoğan Türk Məktəbi barədə də məlumat verib.

Hər iki tərəf təhsil sahəsində əməkdaşlığın daha da inkişaf etdirilməsi barədə razılığa gəlib.

Yılmaz nazir Turkoya nəzakətli qəbul üçün təşəkkürünü bildirib.