Türkiyə Rusiyayla yüksək səviyyədə əlaqələr qurmaq niyyətindədir

News.ru yazır ki, Türkiyə hökuməti Rusiyayla yüksək səviyyədə görüşlər keçirə biləcəyini bildirib. Məlumata görə, bu danışıqlar yaxın vaxtlarda baş tuta bilər.

Türkiyə Rusiya ilə dialoq kanallarını açıq saxlayır və birbaşa əlaqələri vacib vasitə hesab edir. Görüşlərin əsas mövzusu Ukrayna ətrafındakı vəziyyət və Qara dənizdə təhlükəsizlik məsələləri olacaq.

Əvvəllər Türkiyənin Rusiyaya və Ukraynaya Qara dənizdə gəmiçilik təhlükəsizliyinin təmin olunması ilə bağlı bir neçə təklif göndərdiyi bildirilmişdi. Hazırda Ankaranın bu təkliflərin birbaşa müvafiq tərəflərlə müzakirəsinə önəm verdiyi vurğulanıb.

Türkiyənin xarici işlər naziri Hakan Fidan isə Rusiyadan 2017-ci ildə alınmış S-400 zenit raket sistemlərinin reeksportu məsələsində danışıqlar apardıqlarını açıqlayıb. Onun sözlərinə görə, danışıqların nəticələri yekunlaşdıqdan sonra bəlli olacaq.