Türkiyə Mescid-i Aksaya hücumu kəskin pisləyib

Anadolu Ajansı yazır ki, Türkiyə Xarici İşlər Nazirliyi İsrailli radikal qrupların Mescid-i Aksaya hücumunu ən güclü formada pisləyib.

Açıqlamada İsrail Baş naziri Benyamin Netanyahu hökumətinin müsəlmanlara aid müqəddəs məkanlara yönələn pozuntu və təxribatlarla bölgədəki gərginliyi daha da artırmaq və sülh, sabitlik səylərini pozmaq istədiyi vurğulanıb.

Türkiyə tərəfi, İsrail işğal qüvvələrinin müdafiəsi altında edilən bu hücumu qəti şəkildə pisləyib.

Həmçinin beynəlxalq ictimaiyyətə İsrailin Mescid-i Aksanın tarixi və hüquqi statusunu pozan addımlarına qarşı təsirli tədbirlər görməsi çağırışı təkrarlanıb.