Türk Yatırım Fonundan Almatı Havalimanı modernizasiyasına dəstək

Anadolu Ajansı yazır ki, Orta Asiya bölgəsində ən sıx hərəkətli Almatı Uluslararası Havalimanı Trans-Hazar Beynəlxalq Nəqliyyat Marşrutu üzərində yerləşir və regionu qlobal bazarlara bağlayan əhəmiyyətli qapıdır.

Türk Yatırım Fonunun (TYF) taahhüdü, Bank of America (BofA) tərəfindən təşkili olunmuş 670 milyon dollar məbləğində maliyyələşdirmədə 20 milyon dollaradəkdir. Bu sərmayə havalimanının kapital yatırımı, infrastrukturunun gücləndirilməsi, yük qabiliyyəti və əməliyyat dayanıqlığını artırmağa yönəlib.

Almatı Havalimanı Qazaxıstanın hava yükünün üçdə ikisini idarə edir və əsas fəaliyyət mərkəzi olaraq Air Astana aviaşirkətinə xidmət edir. Modernizasiya tamamlandıqda, həm sərnişin, həm də yük tutumunun əhəmiyyətli dərəcədə artacağı gözlənilir.

Havalimanı Türkiyə mərkəzli "TAV Havalimanları" tərəfindən idarə olunur və bu təşəbbüs TYF-nin təsisçi üzvü olan Qazaxıstan ilə Türkiyə arasındakı genişlənən iqtisadi əməkdaşlığı əks etdirir.

TYF-nin baş direktoru Ramil Babayev bildirib ki, bu investisiya türk dünyası daxilində daha möhkəm əlaqələrə, dayanıqlı ticarət marşrutlarına və davamlı iqtisadi inkişafa dəstəkdir. O, bu prosesin TYF-nin regional əhəmiyyətli layihələr üçün beynəlxalq maliyyə institutları ilə uzunmüddətli kapital yarada biləcəyini göstərən dönüş nöqtəsi olduğunu vurğulayıb.