Tuğyan Ülkem Gülter anasını öldürməkdə ittiham olunur

Hürriyet yazır ki, 52 yaşlı müğənni Gül Tut 2025-ci ilin sentyabrında Yalova rayonu Çınarcık bölgəsinin Harmanlar kəndində, yaşadığı binanın altıncı mərtəbəsindən yıxılaraq həyatını itirib.

Yalova Baş Prokurorluğu tərəfindən 11 ay davam edən istintaq zamanı müğənninin qızı Tuğyan Ülkem Gülter və onun dostu Sultan Nur Ulu saxlanılıb. Tuğyan qəsdən adam öldürməkdə təqsirləndirilərək həbs olunub, Sultan ev dustaqlığına buraxılıb.

İddianamədə Tuğyanın anasını qəsdən pəncərədən atdığı, onun 18 metr hündürlükdən beton səthə düşərək müxtəlif xəsarətlərdən dünyasını dəyişdiyi göstərilir. Müğənninin qanında 3,53 promil spirt olduğu, zəhərlənmə izinə rastlanmadığı bildirilir.

Hadisə gecəsi Tuğyanın dostundan Güllünün sevdiyi "Malkata" mahnısını çalmasını istədiyi, musiqinin ananı pəncərəyə gətirmək üçün məqsədli səsləndirildiyi yazılır. İstintaq hesabatına görə, kameranın səs yazısında "Hadi görüşərik" ifadəsi eşidilib; prokurorluq bu sözləri Tuğyanın dediyini ehtimal edir.

İddianaməyə görə, Tuğyan anasını iki əli ilə kalça altından tutaraq pəncərədən atıb. Sultan Nur Ulu əvvəlcə fərqli ifadə versə də, sonradan eyni iddiaları təsdiqləyib. Müxtəlif şahidlər Tuğyanın əvvəldən anasını öldürmək barədə sözlər dediyini bildirir.

Sənədlərdə Tuğyanın dostu ilə telefon danışıqları, anası ilə mübahisələr barədə mesajları, davranışları və hadisə anındakı görüntülər təqdim olunub. Yalova Baş Prokurorluğu bu faktlara əsaslanaraq Tuğyanın öncədən planlaşdırılmış cinayətdə ittiham olunduğunu bildirir. Məhkəmə prosesi bu il oktyabrın 1-də başlayacaq.