Tom Holland Fred Astaire haqqında filmə seçilib

Elle yazır ki, Tom Holland Fred Astaire haqqında bioqrafik filmdə baş qəhrəman rolunu oynayacaq. Margaret Qualley Fredin bacısı və ilk rəqs partnyoru Adele Astaire-ni, Sabrina Carpenter isə Fred Astairenin həmkarı olan Ginger Rogersi canlandıracaq.

Film məşhur rəqqas, aktyor və müğənni Fred Astaire ilə onun bacısı və rəqs yoldaşının həyatını əhatə edəcək. Ssenarini Paul King və Steven Levenson yazıb, müəllif Kathleen Riley isə məsləhətçi qismində iştirak edir.

Rejissor Paul King filmin ən böyük çətinliyinin və fürsətinin Adele Astairenin mirasını yenidən gün işığına çıxarmaq olduğunu bildirib. Mənbəyə görə, Adele Astairenin rəqs etdiyi heç bir lent qalmayıb, bu isə onun təsirli, lakin az tanınan irsini yenidən təqdim etmək imkanı yaradır.

Fred Astairenin övladları layihəni dəstəkləyir. Onun qızı Ava Astaire McKenzie dəstəklərini ifadə edib, Fredin nəvəsi Tyler McKenzie isə prodüser və məsləhətçi kimi çalışır.

Filmin adı hələ təsdiqlənməyib, həmçinin çəkilişlərin başlama və kinoteatrlarda nümayiş tarixi barədə məlumat yoxdur.