TikTok ABŞ-ın Alabama ştatında uşaqlar üçün yeni məhdudiyyətlər tətbiq etdi

Anadolu Ajansı yazır ki, sosial media platforması TikTok uşaqları həddindən artıq istifadəyə təşviq etmək ittihamı ilə Alabama ştatında açılmış məhkəmədə 100 milyon dollar cərimə ödəməyi qəbul edib.

Şirkət uşaqların TikTok-dan istifadə müddətinə gündə 2 saat limit qoyacaq, həmçinin gecə və məktəb saatlarında tətbiqə giriş məhdudlaşdırılacaq.

TikTok valideynlərə uşaqların platforma istifadəsini daha yaxından nəzarətdə saxlamaq imkanı verəcək yeni tədbirlər görəcək.

100 milyon dollarlıq ödəmə 45 gün ərzində həyata keçirilməlidir və əgər razılaşma şərtləri pozularsa, şirkət Alabama ştatına əlavə 300 milyon dollara qədər cərimə ödəyə bilər.