Standard Charteredın rəqəmsal aktivlər üzrə qlobal rəhbəri Geoff Kendrick bitcoinlə bağlı fərqli yanaşma irəli sürüb.

Kendrick deyib ki, bu həftə kripto bazarında yaşanan itkilər reallıqdır, ancaq bazarın dibinin demək olar ki, formalaşdığı qənaətindədir. Onun fikrini əsaslandıran üç əsas amil var:

• Strategiya şirkətinin ("Strategy", MSTR) 2022-ci ildəki fəaliyyəti təkrarlanır: Kendrick bildirir ki, "Strategy" cari həftə satışa çıxardığı 32 BTC-dən sonra yaxın günlərdə bu məbləğdən çox BTC ala bilər. O, bazar ertəsi bu məlumatın təsdiqlənəcəyi halda bunu bazarın dip səviyyəsinin yaxınlaşmasının ilkin siqnalı kimi qəbul edəcək.
• ETFlərin dayanıqlığı: ABŞ-da qeydiyyatdan keçmiş 11 spot ETF son üç həftədə ümumilikdə 5 milyard dollar sərbəstləşmə yaşasa da, ümumi aktivlərin həcmi əvvəlki dövrlə müqayisədə çox dəyişməyib. Bu, struktural baxımdan ETF-lərin möhkəm olduğunu göstərir.
• Likvidasiyaların azalması: Bitcoin fyuçerslərində 1,5 milyard dollar dəyərində mövqelər likvidasiya edilib. Bu göstərici yanvar ayındakı səviyyəyə yaxındır. Cari ildə BTC-nin bazarlarda zəif performansını nəzərə alanda, likvidasiya olunacaq mövqelərin sayı azalıb.

Kendrick bütün bu amillərin bazarın dibini dəqiq proqnozlaşdırmağa imkan verməsə də, alqı etmək üçün hazırkı dövrün məqsədəuyğun olduğunu vurğulayıb.

"2026-cı ilin sonuna baxdığımız zaman BTC-nin 100 min dollar, ETH-nin isə 4 min dollar səviyyəsində olduğunu görürüksə, bu dövrün alqı mərhələsi olduğunu deyəcəyik." - deyə o bildirib.

Əlavə olaraq, həftəlik bitcoin qiymətinin cədvəli də Kendrickin fikrini təsdiq edir və bear bazarının son mərhələsində olduğumuza işarə edir. Bitcoin qiyməti artıq 200 həftəlik sadə hərəkətli ortalama səviyyəsinə yaxınlaşır ki, bu da əvvəlki bear bazarlarının sonunu göstərən əsas göstəricilərdən biridir.