Fransada ötən həftə itkin düşən 11 yaşlı qızın işi cəmiyyət arasında qəzəb yaradıb. Məlum olub ki, əsas şübhəli şəxsin uşaqlara qarşı cinsi təcavüzdə dəfələrlə ittihamlar olmasına baxmayaraq, tədbir görülməyib.

Hadisə xəbərlərin əsas mövzusu olub. Cənub-qərbi Fransada, Fleurance kəndi yaxınlığında son dəfə bir kişinin avtomobilinə minərkən göründüyü bildirilib. Onun tapılması üçün polis və könüllülər günlərlə ərazi axtarışı aparıblar.

41 yaşlı 2 uşağın atası əsas şübhəli kimi saxlanılıb. Prokuror bildirib ki, ona əvvəllər də azyaşlıya təcavüz ittihamı ilə qanuni şikayətlər verilib. Bu da məhkəmə orqanlarının fəaliyyətsizliyi ilə bağlı ölkədə narazılıq yaradıb.

Hökumət sözçüsü Maud Bregeon deyib: “Günbəgün ortaya çıxanlar dözülməzdir. Bu sualı doğurur: zərərçəkənlərin ifadələrinə nə qədər əhəmiyyət veririk? İstintaq necə aparılır?” O, bu fikirlərini Europe 1 və CNews televiziyalarına açıqlayıb.

Təxminən 170 polis əməkdaşı atlı könüllülərin köməyi ilə uşaq üçün cümə axşamı axtarış keçirib. Təhlükəsizlik kameralarının görüntülərini gördükdən sonra şübhəli Lyhannaya maşınla kömək etdiyini etiraf edib. Lakin onu üzgüçülük hovuzuna buraxdığını bildirib.

Prokuror Klemans Meyer şübhəlilərin əvvəlki şikayətləri barədə məlumat verib:

• 2017-ci il dekabr: Bir ana 17 yaşlı qızının həmin şəxs ilə münasibətdə olduğunu bildirərək şikayət edib. Lakin qız razı olduğunu desə də, iş 2018-ci ildə bağlanıb.
• 2022-ci il yanvar: 2020-ci ildə həmin şəxsin cənub-qərbi Fransadakı evində 15 yaşdan kiçik uşağa qarşı təcavüz ittihamı ilə şikayət verilib. 2024-cü ildə sübutların olmaması səbəbindən məsələ rədd edilib.
• 2025-ci il avqustun 22-si: 2014-cü il təvəllüdlü bir qızın anası həmin şəxsin 2024-cü ilin sentyabrından 2025-ci ilin mayına qədər evində ona qarşı zorakılıq etdiyini bildirib. Şikayət ilkin olaraq Tuluzda araşdırılıb, sonra yerli prokurorluğa göndərilib və yanvarda polis istintaqı tələb olunub. Lakin Lyhanna yoxa çıxana qədər şübhəli sorğu-sual edilməyib.

Klemans Meyer deyib: “Lyhanna yoxa çıxanda istintaq hələ davam edirdi”. O əlavə edib ki, çərşənbə günü azyaşlıya qarşı təcavüzlə bağlı yeni şikayət daxil olub, lakin əlavə məlumat verməyib.

Daxili İşlər Naziri Lorän Nüz çərşənbə günü parlamentdə bu işlərə ədliyyə naziri tərəfindən araşdırma tələb etdiyini bildirib.

Qadınların maarifləndirmə təşkilatı "Women’s Foundation"dan Anne-Sesil Melfer cinsi zoraklığın qarşısını almaq üçün qanunların gücləndirilməsini istəyib. O, Instagram-da yazıb: “Susqunam və qəzəbliyəm. Şübhələnin ötən il təcavüzdə ittiham olunduğunu öyrəndim. Daha bir 10 yaşlı qız valideynlərinə danışmaq üçün böyük cəsarət göstərdi. Onlar onu dəstəklədi, inandı, polisə getdi, şikayət verdi və sonra heç nə olmadı.”

O əlavə edib: “Sistem işləmir deyə, cinsi zorakılığa qarşı kompleks qanun tələb edirik.”