Rusiya Ukraynaya 112 pilotsuz uçan aparatla hücum etdi

Ukrainskaya Pravda yazır ki, sentyabrın 29-u Rusiya ordusu 6:30-dan 18:00-dək Ukraynaya 112 hücum xarakterli pilotsuz uçan aparat ötürüb.

Onlardan 29-u reaktiv tipli olub, həmçinin “Gerber”, “Banderol”/“Dan-T” və digər tipli dronlar daxil olmaqla müxtəlif pilotsuzlar istifadə olunub.

Hava hücumundan müdafiə vasitələri həmin dövr ərzində 95 pilotsuzu vurub, onların 18-i reaktiv tipli dronlardır.

Saat 18:00-a olan vəziyyətə görə, hava məkanında hələ də bir neçə hücum pilotsuz uçan aparat müşahidə edilir.