Rusiya Sumada UAB zərbəsi endirərək iki nəfəri öldürdü

Ukrainskaya Pravda yazır ki, Rusiyanın Sumaya endirdiyi üç UAB zərbəsi ciddi itkilərə səbəb olub.

Zərbələr nəticəsində 80 yaşlı qadın və 16 yaşlı Kateerina adlı qız həyatını itirib. Qız mağazaya gedərkən təhlükə barədə məlumat alaraq yaxın sığınacağa qaçmaq istəsə də, ona ağac düşüb.

Zərbələrdən sonra 6 nəfər yaralanıb, onlardan biri 12 yaşlı qızdır, o, kəskin stress vəziyyətindədir. Yaranan zərər sığınacaq və uşaq ailə dəstəyi mərkəzinin yaxınlığında qeydə alınıb, amma həmin anda orada ziyarətçi olmayıb.

Yaralılardan 66 yaşlı kişi xəstəxanaya yerləşdirilib, 54 yaşlı qadın və 51 yaşlı kişi ambulator müalicə alır. Daha iki qadına tibbi yardım göstərilərək evə buraxılıblar.