Rusiya qüvvələri Sumı vilayətində Ukrayna dron idarəetmə məntəqələrini vurub

News.ru yazır ki, Rusiya Silahlı Qüvvələrinin 44-cü ordusunun “Şimal” qrupunun 30-cu motoatıcı alayının reaktiv yaylım atəşi sistemi “Qrad”ın atıcı heyəti Sumı vilayətində atəş vəzifəsini yerinə yetirib.

Rusiya Müdafiə Nazirliyi açıqlayıb ki, “Qrad” sisteminin atıcı heyəti dronların idarəetmə məntəqələrinin və şəxsi heyətin yerləşdiyi meşə zolağındakı əraziyə dəqiq yaylım zərbəsi endirib.

Zərbə nəticəsində dronların idarəetmə məntəqələri, onların şəxsi heyəti və avadanlıqları məhv edilib. Nazirlik vurğulayıb ki, bu obyektlərin vurulması kəşfiyyat və zərbə sistemlərinin fəaliyyətini pozmaq məqsədi daşıyır.

Əvvəlki məlumatlara görə, Rusiya qüvvələri Ukraynanın dron istehsal atelyelərini və onların saxlanma yerlərini də hədəfə alıb. Nazirliyin məlumatına əsasən, zərbələr operativ-taktiki aviasiya, pilotsuz uçuş aparatı və raket qüvvələri ilə birlikdə quru qoşunlarının artilleriyası tərəfindən vurulub.