Rusiya qoşunları Sum vilayətində fəallaşıb

News.ru yazır ki, hərbi ekspert Andrey Maroçko bildirib ki, Rusiya qoşunlarının Sum vilayətində bəzi istiqamətlərdə fəallaşması Ukrayna Silahlı Qüvvələrinin Xarkov bölgəsində məğlub olması ilə əlaqəlidir. O qeyd edib ki, Xarkovda Ukrayna döyüşçülərinin darmadağın olunması Sum istiqamətində əməliyyat vəziyyətində bir sıra dəyişiklik yaradıb.

Maroçko bildirib ki, bu məğlubiyyət Şimal qrupunun bəzi resurslarının sərbəst qalmasına imkan verib. Bu isə Sum vilayətində, Rusiya sərhədi boyunca tampon zonanın yaradılması işinin davam etməsinə şərait yaradıb.

Bundan əvvəl Maroçko deyib ki, Rusiya hərbçiləri Orexov ərazisində Ukrayna qüvvələrinin təminatı üçün əhəmiyyətli olan avtomobil yollarının təxminən dörd kilometr hissəsinə nəzarət qurub. Hərbi ekspert vurğulayıb ki, bu istiqamətdə iki yol seqmenti Ukrayna ordusu üçün təminat baxımından vacibdir.

Rusiya Müdafiə Nazirliyi bu vəziyyəti şərh etməyib.