Rusiya paytaxt Kiyevin əsas körpülərini vurmağa davam edir

France 24 yazır ki, Rusiya ordusu Kiyevin əsas körpülərindən Şimal körpüsünə hava zərbəsi endirib. Bu hücum dron xəbərdarlığından sonra baş verib və şəhərin infrastrukturuna növbəti zərbə hesab olunur.

Kiyevin meri Vitali Klitsko bildirib ki, zərbə körpünün yol örtüyü və troleybus xətlərinə ziyan vurub. Hazırda körpüdə trafik dayandırılıb, fövqəladə xidmətlər hadisə yerinə yollanıb.

Bu təxribatdan bir gün əvvəl isə Cənub körpüsü məhv edilib və digər körpüdə hərəkət məhdudlaşdırılıb. Şəhər hökuməti bu hücumları "Kiyevi parçalamaq" kimi qiymətləndirir.

Dnipro çayını keçən səkkiz körpüdən biri olan Cənub körpüsü artıq bir neçə dəfə vurulub və bu, şəhərdə ciddi tıxaclara səbəb olub. Klitsko paytaxt sakinlərinə müharibə şəraitinə hazır olmağı tövsiyə edib.

Rusiya fevral 2022-ci ildə Ukraynaya genişmiqyaslı müharibə başladandan bəri, döyüşlərin əsas hissəsi şərq bölgəsinə cəmlənsə də, Kiyev müntəzəm olaraq infrastruktur hücumlarından sığortalanmayıb.