Rusiya Müdafiə Nazirliyi zirehli texnikanın effektivliyini artırdı

News.ru yazır ki, Rusiya Müdafiə Nazirliyi zirehli texnikanın və hərbi maşınların effektivliyini artırmaq üçün SVO təcrübəsindən istifadə edir.

Nazir müavini, ordu generalı Aleksandr Sançikin rəhbərliyi ilə keçirilən texniki konfransda zirehli texnikanın konstruksiyasının təkmilləşdirilməsi və düşmənin pilotsuz uçan aparatlarına qarşı aktiv müdafiə sistemlərinin yoxlanılması müzakirə olunub.

Tədbiri Müdafiə Nazirliyinin Baş Avtobronetexnika İdarəsi keçirib. Konfransda Müdafiə Nazirliyinin elmi-tədqiqat təşkilatları, hərbi idarələr, Rusiyanın Sənaye və Ticarət Nazirliyi və müdafiə sənayesi müəssisələrinin nümayəndələri iştirak ediblər.

Sançik qeyd edib ki, istehsal edən zavodlarla yaxın əlaqə sayəsində ordunun təchiz etdiyi silah və texnikanın modernləşdirilməsi məsələləri sürətlə həll olunur. Həmçinin təmir və bərpa bölmələri real döyüş şəraitinə uyğun öz məhsullarını istehsal edirlər.

Konfransın praktiki hissəsində döyüş cəbhəsində effektiv tətbiq olunan hərbi avtomobil texnikası nümunələri və müxtəlif şassi üzərində düşmənin pilotsuz aparatlarına qarşı aktiv müdafiə kompleksləri nümayiş etdirilib.