Rusiya məktəblərində dərslərin başlanma vaxtını dəyişirlər

Rusiya İctimai Palatasının katib müavini Vladislav Qrib məktəblərdə dərslərin səhər doqquzda başlamasını təklif edib.

Rusiya İctimai Palatasının katib müavini Vladislav Qrib dərslərin saat səkkizdə deyil, doqquzda başlamasını təklif edir, - RİA Novosti xəbər verir. Onun fikrincə, bu cədvəl uşaqlar üçün təhlükəsizliyi artıracaq, çünki onlar qaranlıq vaxtda məktəbə getməli olur.

Qrib hesab edir ki, cədvəl payız tətilindən yaz tətilinə qədər olan dövrü, yəni iki dərs rübünü əhatə edə bilər. O bildirir ki, dərslərin daha gec başlaması xüsusilə səhər tezdən məktəbə gedən kiçik sinif şagirdləri üçün vacibdir.

İctimai Palatanın nümayəndəsi bütün məktəblərdə vahid cədvəl təyin etməyi təklif etmir. O deyir ki, qərarı məktəblərin özünə buraxmaq olar.

Rusiya Təhsil Nazirliyinin rəhbəri Sergey Kravtsov bildirib ki, doqquzuncu sinfi bitirən, dövlət yekun imtahanında (OGE) uğursuz olanlar pulsuz peşə təhsili ala bilər. Regionlarda tələb olunan ixtisasların siyahısı tərtib edilə bilər.

FİPİ-nin rəsmi saytında bildirilib ki, ali məktəbə qəbul imtahanında (EGE) iki fəndən tapşırıq sayı dəyişəcək. Digər fənlər üzrə tapşırıqlar əvvəlki qaydada qalacaq. Tarix və profil riyaziyyatı üzrə tapşırıqların sayı artırılıb.