Rusiya dronla Kiyev mərkəzini vurdu, yanğın baş verdi

Ukrainskaya Pravda yazır ki, Rusiya qüvvələri Kiyev şəhərinin mərkəzinə dron hücumu həyata keçirib.

Kiyev meri Vitali Klitçko açıqlayıb ki, Şevçenkovsk rayonunda yerləşən qeyri-yaşayış tikililərinə düşən pilotsuz uçuş aparatı yanğın yaradıb.

Video görüntülərdə hadisə yeri olaraq Milli Elmlər Akademiyasının binası və ətrafında yanğın müşahidə olunur.

Klitçko bildirib ki, fövqəladə xidmətlər hadisə yerinə cəlb olunub və vəziyyətə nəzarət edir.

Eyni zamanda Darnitski rayonunda düşmənin dronu başqa qeyri-yaşayış tikililərinin üzərinə düşüb.