Rusiya ballistik raketlərlə Kiyevə hücum etdi

Kyiv Independent yazır ki, sentyabrın 30-u gecə Rusiya ballistik raketlərlə Ukraynanın paytaxtına hücum edib.

Saat təxminən 3:00-da şəhərdə ondan çox partlayış baş verib. Ukrayna Hərbi Hava Qüvvələri ballistik raketlərin Kiyevə doğru istiqamət aldığını xəbərdarlıq etmişdi. Həmin vaxt şəhərin müxtəlif yerlərində hava hücumundan müdafiə atəşi eşidilib.

Kiyev meri Vitali Klitsko bildirib ki, Svyatoshinski rayonda yaşayış sahəsində yanğınla bağlı təcili yardım briqadaları fəaliyyət göstərir. Peçersk rayonunda isə elektrik enerjisinin kəsilməsi qeydə alınıb.

Zərərin tam miqyası hələ məlum deyil. Son günlər Rusiya avqustdan bəri paytaxt Kiyevə kütləvi dron və raket hücumlarını artırıb, hətta gündüz vaxtı hava müdafiəsini yormağa çalışır və hücum taktikasını dəyişərək saatlarla davam edən hücumlara keçib.

Sentyabrın 29-da gecə isə çoxsaylı raket və dron zərbələri nəticəsində Kiyevdə bir nəfər yaralanıb, Dövlət Fövqəladə Hallar Xidməti məlumat verib.