Qazaxıstanda hərbi islahat aparılmasını tələb edib

News.ru yazır ki, Qazaxıstan prezidenti Kasımyomart Tokayev ölkədə hərbi islahatın zəruri olduğunu açıqlayıb. O, müdafiə nazirliyinin rəhbərliyi ilə keçirilən yığıncaqda bu barədə danışıb.

Tokayev qeyd edib ki, qoşunların komandanlıq sistemi yenidən qurulmalıdır. Bunun üçün on gün ərzində yeni ordu nümunəsinin formalaşdırılması məqsədilə plan hazırlanmalıdır.

Prezident bildirib ki, Qazaxıstan ordusu keçmiş əsrdə qalıb. O, vurğulayıb ki, sistem qabaqcıl beynəlxalq təcrübəyə uyğun tam yenilənməlidir.

Tokayev hərbi islahatın məqsədini yeni nümunəli ordunun yaradılması kimi izah edib. O, bu işdə geniş baxışa malik peşəkar zabitlərin mühüm rol oynadığını bildirib.