Putin hərbi qulluqçuların sayını artırdı

Kyiv Independent yazır ki, Rusiya prezidenti Vladimir Putin 28 sentyabrda Silahlı Qüvvələrdə qeydiyyatda olan şəxsi heyətin sayını 2 441 630 nəfərə çatdıran fərman imzalayıb.

Fərman iyul 2026-cı il tarixli ən son rəqəmə nisbətən şəxsi heyətin sayını təxminən 15 500 nəfər artırır və bu il dördüncü dəfə belə artım edilir.

Rusiya tərəfi bu say daxilində 1 550 500 aktiv hərbi qulluqçunun olacağını qeyd edir.

Reuters xəbər verir ki, Moskva 2027-ci il üçün müdafiə xərclərini əvvəlki büdcə ilə müqayisədə təxminən 27 faiz artıraraq 17,1 trilyon rublə (202,58 milyard dollar) çatdıracaq.

Rusiya hər ay yüz minlərlə müqaviləli əsgər cəlb etməsinə baxmayaraq, bu rəqəmlər tədricən azalır, hücumlarda əldə olunan ərazilər isə getdikcə azalmaqdadır.

Kyiv hesab edir ki, Moskva 2026 və 2027-ci illərdə hər il təxminən 300 min nəfəri məcburi səfərbər edəcək.

Prezident Volodimir Zelenski 28 sentyabrda bildirib ki, Rusiyada parlament seçkilərindən sonra artıq əlavə səfərbərlik başlanıb və müxtəlif üsullarla daha çox adam çağırılır.