Polşa Rusiyanın hücumları səbəbindən çətin aylar yaşayacaq

Ukrainskaya Pravda yazır ki, Polşa baş naziri Donald Tusk Rusiya ilə Ukrayna arasındakı münasibətlərin gərginləşməsi səbəbindən çətin həftə və aylardan danışıb.

Tusk hökumət iclasında bildirib ki, Rusiya Ukraynaya qarşı daha aqressiv mövqe tutmaqda davam edir və bu, getdikcə Polşanın sərhədinə yaxınlaşır.

Baş nazir əlavə edib ki, hökumət və xüsusi xidmət orqanları Polşa ərazisinə təhdidin yayılmaması üçün ciddi hazırlıq vəziyyətindədirlər. Onun sözlərinə görə, "Polşa tərəfdə heç bir pis hadisə baş verməməsi" üçün tədbirlər görülür.

Donald Tusk 28 sentyabrda Putin-Rusiya sərhədində baş vermiş insidenti də şərh edib. Həmin gün rus dronu Ukrayna tərəfində Polşa sərhədinə yaxın ərazidə partlayış törədərək "Yaqodin" keçid məntəqəsinə zərər vurub.

Polşa həmin gündə hava hücumlarının qarşısını almaq üçün hərbi aviasiyanı səfərbər edib və Rusiya hücumları səbəbindən Jeşuva və Lyublin aeroportlarının fəaliyyəti müvəqqəti dayandırılıb.

Baş nazir vurğulayıb ki, Rusiya tərəfindən sərhəd yaxınlığına edilən hücumlar artıq davamlı xarakter daşıyır və Polşa aviasiyası gecə-gündüz sərhəd ərazisində uçuşlar həyata keçirir.