Otizmli Burak Samsundakı elektrik direklərini əzbərləyib

Hürriyet yazır ki, Burak Çolak Samsundakı bütün işıq dirəklərinin markasını, modelini, gücünü, hansı məhəllədə olduğunu və istehsalçının fabrik ünvanını əzbərləyir.

Burakın atası Yunus Çolak bildirir ki, oğlu 2,5 yaşından etibarən elektrik və işıq dirəklərinə böyük maraq göstərir. Babanın köməyi ilə kürdanları elektrik dirəklərinə bənzədərək öz layihəsini hazırlayıb, sonralar isə görmə və oxu qabiliyyətləri ilə bu sahədə inkişaf edib.

Burak həmçinin Samsundakı bütün rayonları, məhəllələri, muhtarları, hətta indi və keçmiş bələdiyyə başçılarını da yaxşı bilir. Bu məlumatları avtomobildə gedərkən belə dəqiqliklə söyləyə bilir.

Burakın elektrik paylama sektorunda izlədiyi 23 marka var. O, 14 avqust tarixini Dünya Markalar Günü adı altında həmin markalara həsr edib və bunu özünün təqdim etdiyi layihə kimi qiymətləndirir.

Atasının sözlərinə görə, Burak bir çox dirək istehsalçısı tərəfindən fabriklərinə dəvət olunub. İstanbul, Ankara və Çorumdakı fabriklərdə onlara ekskursiyalar təşkil edilib və Burak böyük sevinc hissi keçirib.