Niderlandda dörd böyük vağzal təxliyə edilib

News.ru xəbər verir ki, Niderlandda təhlükəsizlik səbəbilə dörd böyük vağzal eyni anda təxliyə edilib. Təxliyə əməliyyatı Rotterdam, Haarlem, Utrecht və Dordrecht vağzallarında həyata keçirilib.

Xüsusilə Utrechtin Mərkəzi vağzalında əsas zal və platformaların bir hissəsi mühafizə altına alınıb. Şübhəli əşyaların yoxlanması üçün partlayıcı maddələrin mütəxəssisləri cəlb olunub. Hazırda bu hadisələrin bir-biri ilə bağlı olub-olmadığı məlum deyil.

Digər tərəfdən, Almaniyanın qərbində dəmiryol hərəkətində böyük pozulma müşahidə olunub. Gelsenkirxen Mərkəzi vağzalında kabellərin oğurlanması səbəbindən gün ərzində hərəkət dayanıb və çoxlu qatarların hərəkəti ləğv edilib.

Augsburq Mərkəzi vağzalında isə məlum olmayan əşyanın partlaması nəticəsində bir neçə nəfər barotravma alıb. Vağzal binası və bir marşrut qapadılıb, qatarların hərəkəti məhdudlaşdırılıb.